回想起囝囝2个月時要到健康院打4合1針, 跟上一針一樣. bb 好叻, 只咗兩三聲就無喊.  奈何佢媽咪我無記性, 忘記去攞定d退燒藥睇門口. 個晚囝囝真係發燒, 只好趕返屋企帶佢睇醫生.  去到診所探耳仔無燒, 於是姑娘就提議肛探.   初時我跟工人都驚囝囝會大喊, 奌知佢出奇地乖巧.  只係放了一個臭氣沖天嘅庛, 我工人同我講"唔知BB係唔係想便便呢?"  前后唔夠2分鐘, BB就...  我同"姐姐"當時都唔知奌算, 定過神后就馬上問姑娘攞tissue攬清潔. 好彩無攪到其他人..  諗起都好好笑   

餵奶: 最好分兩次餵,即四安士奶, 要先餵兩安士奶然後替BB拍背掃風, 待BB”落隔”後,再餵其餘兩安士奶, 这樣可以讓BB不容易打嗝. 

掃風: 餵完奶后, 要直抱BB在懷抱裡, 替BB拍背掃風至10多20分鐘. . 如果掃了一陣BB尚未打嗝, 可以將BB於床仔上休息一下再掃, 打一定要將BB打側睡,並不時要觀察BB有否見異樣. **特別提醒各位新手爸爸媽媽千萬別在餵奶后馬上把BB放平,否則BB會容易嘔奶**

沖涼: BB沖涼之前一定要用手肘試水溫,  夏天的水溫約38度; 冬天則約40度. 每次先洗頭仔, 為免BB著涼, 洗頭時不用除去尿片及用毛巾包裹BB..